Girjeráju ja skuvlla oktasašbargu

 

Lohkanmielas ledje mielde girjearájuid ja skuvllaid ráhkadan geahččalanbárat dahje –joavkkut 30 gielddas. Maŋŋelis geahčččaleami mielde Lohkanmiella lea viidánisgoahtán: ovdamearkan buot Lappeenranta skuvllat leat searvan fárrui ja Lohkanmiella Lappis-turnea lebbe Lohkanmiela oppa Lappii. Prorgrámma guoská badjel 15 000 oahppi.

Máŋggalohkandáidu ovvdiduvvui ja lohkamii movttiidahttui hui máŋgga láhkai iešguđet báikegottiin. Muhtun skuvllaid váccahagain stuorát oahppit dolle unnibuidda lohkanbottuid ja nuppe sajis vuddjojuvvui buvttadit girjetraileriid. Muhtun geahččaleaddjit fas lágidedje doaibmamii guoski Lohkanmielladáhpáhusaid girjerájus vánhemiiguin. Oktasašbargoguimmiiguin lágiduvvon máŋggabealat Lohkanmiella vánhemiideahkedat gesse valljis vánhemiid oassálastit mánáideasetguin bargobájiide.

Geahččaleami bohtosiin deattuhuvvá namalassii searvvušvuohta, go doaimmas lea álo fárus bárra, joavku dahje oppa luohkká. Mánát ja nuorat barget eanet oktasašbarggu ja oahpaheaddjit ovttas girjerádjoámmátlaččaiguin badjel luohkká-, skuvla- ja gieldarájáid.
Oktasašbargu lea viiddiduvvon báikkálaččat maiddái ovdamearkan bovdemiin mielde mediasuorggi doaibmit oahpásmahttit oahppiid govvalohkandáidui dahje sáddemiin girjeseahkaid junioravalástalliid speallanmátkebussiide.

Dehalamosin fuomášuvvui skuvlla ja girjeráju gaskasaš čavga oktasašbargu– guktot fas bargaba mánáid ja nuoraid lohkama ovddideapmin. Máŋggain geahččalanbáikegottiin justa ámmátlaččat ieža leat movttiidan geavatlaš oktasašbarggu lasiheami rahpan vejolašvuođain. Ovdamearkan skuvllaid oahppanbiras lea viiddiduvvon girjerájuide ja dan diehtofierpmádagaide, ja girjerádjoáššedovdit oahpistit luohkáin rávvemiin girjjiid ja bagadallamin dieđuskáhppomis. Bárrásiin lohkama meari lassáneapmi oidno ee. girjerájuid luoikkahanloguin.
Ođasmuvvi oahppaplánas girjerádju máinnašuvvo árabu hárvvebut. Máŋggain Lohkanmiella-báikegottiin skuvllat hálidetge buktit girjerájuin bargon oktasašbarggu iežaset oahppaplánaideaset geavatlaš govvádussan, dego ovttas ollašuhtton lohkandiplomabargun ja luohkáid jeavddalaš girjerádjogalledeapmin.